நியூசிலாந்து இன்னிங்ஸ்:
முதலில் களமிறங்கிய நியூசிலாந்து அணி வீரர்கள் வேகப்பந்து வீச்சாளர்களுக்கு எதிராக அபாரமாக விளையாடி ரன்களை குவித்தார்கள். இருப்பினும், ஸ்பின்னர் வாஷிண்டன் சுந்தர், குல்தீப் யாதவ், தீபக் ஹூடா ஆகியோர் அபாரமாக விளையாடி ரன்களை கட்டுப்படுத்தினர்.
இதனால் வேகப்பந்து வீச்சாளர்களை எதிர்கொண்ட ஓபனர்கள் பின் ஆலன் 35 (23), டிவோன் கான்வே 52 (35) ஆகியோரைத் தவிர, மிடில் ஓவர்களில் ஸ்பின்னர்களை எதிர்கொள்ள சாம்ப்மேன் 0 (4), கிளென் பிலிப்ஸ் 17 (22) ஆகியோர் தடுமாறி ஆட்டமிழந்தனர்.
இதனைத் தொடர்ந்து இறுதி கட்டத்தில் டேரில் மிட்செல் 31 (21) ஆபரமாக விளையாடி அசத்த ஆரம்பித்தார். குறிப்பாக, அர்ஷ்தீப் சிங் வீசிய கடைசி ஓவரில் 6nb, 6, 6, 4, 0, 2, 2 என மிட்செல் ரன்களை குவித்தார். இதனால், 19 ஓவர்களில் 149/6 என இருந்த நியூசிலாந்து அணி 20 ஓவர்கள் முடிவில் 176/6 என ரன்களை குவித்தது.
டிவோன் கான்வே சாதனை:
இப்போட்டியில் கான்வே அரை சதம் அடித்ததன் மூலம், அவரது டி20 சராசரி 50.8ஆக மாறியுள்ளது. இதன்மூலம், டி20 கிரிக்கெட்டில் 50 சராசரி வைத்திருக்கும் வீரர்கள் பட்டியலில் கோலியுடன் (சராசரி 52.7) இணைந்துள்ளார். டி20 கிரிக்கெட்டில் தொடர்ந்து சிறப்பாக செயல்படும் முகமது ரிஸ்வான் (சராசரி 48.80), சூர்யகுமார் யாதவ் (46.41) ஆகியோர் கூட கான்வேவுக்கு பின்னாடிதான் உள்ளனர் என்பது குறிப்பிடத்தக்கது.
