புவனேஷ்வர்: ஆடவர் உலகக் கோப்பை ஹாக்கி தொடரில் ‘பி’ பிரிவில் நடைபெற்ற ஆட்டத்தில் தென் கொரியா 2-1 என்ற கோல் கணக்கில் ஜப்பான் அணியை வீழ்த்தியது.
புவனேஷ்வரில் உள்ள கலிங்கா மைதானத்தில் நேற்று நடைபெற்ற இந்த ஆட்டத்தில் 2-வது நிமிடத்திலேயே ஜப்பான் அணிக்கு பெனால்டி கார்னர் வாய்ப்பு கிடைத்தது. இதைப் பயன்படுத்தி அந்த அணி வீரர் நகயோஷி கென் கோல் அடிக்க ஜப்பான் 1-0 என முன்னிலை பெற்றது. இதற்கு தென் கொரியா 9-வது நிமிடத்தில் பதிலடி கொடுத்தது.
