பெண்களின் நுரையீரலை பாதிக்கும் தொராசிக் எண்டோமெட்ரியோசிஸ் நோய்..! தெரிந்துகொள்ள வேண்டிய அறிகுறிகள்..

எண்டோமெட்ரியாசிஸ் என்பது பெண்களின் கருப்பையை தாக்கக் கூடிய ஒரு டிஸ்ஆர்டர் ஆகும். கருப்பை சுவர்களில் கூடுதலான திசுக்கள் வளரும். இதனால் மாதவிடாய் கோளாறு, குழந்தையின்மை போன்ற பிரச்சனைகள் ஏற்படும். அதுமட்டும் இல்லாமல் இது மிகவும் வலி நிறைந்த ஒரு நோயாகும். அதன் தீவிர பாதிப்பால் உருவாவதே தொராசிக் எண்டோமெட்ரியா என்று கண்டறியப்பட்டுள்ளது.

இது நுரையீரலை தாக்கக் கூடிய ஒரு நோய் . இது நுரையீரலைச் சுற்றி வளர்வதைக் குறிக்கிறது. இந்த நோயால் மார்பக வலி, மூச்சு விடுவதில் சிரமம், மாதவிடாய் நாட்களில் தீவிரமான இருமல் ஆகிய அறிகுறிகள் ஏற்படும். பெண்களை மட்டுமே பாதிக்கக்கூடிய எண்டோமெட்ரியோசிஸ், தொராசிக் எண்டோமெட்ரியோசிஸ் மெட்ரோசிஸ் ஆகிய இரண்டுமே வெவ்வேறானவை. இந்த நோய் பற்றிய முழு விவரங்களை இங்கே பார்க்கலாம்.

தொராசிக் எண்டோமெட்ரியம் எதனால் ஏற்படுகிறது?

ஒரு குறிப்பிட்ட காரணங்களால் ஏற்படுகிறது என்று எதையும் குறிப்பிட்டு சொல்ல முடியாது. இருப்பினும் ஹெல்த்லைன் வெளியிட்ட அறிக்கையின் பலவித காரணங்களால் நுரையீரலைச் சுற்றி திசுக்கள் வளரலாம் என்று கூறப்படுகிறது. பிற்போக்கு மாதவிடாய் என்று கூறப்படும், கருமுட்டை டியூபில் உடலில் உள்ள பல்வேறு பாகங்களுக்கு எண்டோமெட்ரியல் செல்கள் வளர்வது முக்கிய காரணமாக இருக்கலாம். கருப்பை சுவரில் இருக்கும் எண்டோமெட்ரியல் செல்கள் மற்றும் திசுக்கள் அங்கிருந்து விலகி, வேறு வேறு இடங்களில் ஒட்டிக் கொண்டு வளரத் துவங்கும்.

எனவே, கருப்பையில் இருந்து விலகிய திசுக்கள் நுரையீரலைச் சுற்றி வளர்வது தொராசிக் எண்டோமெட்ரியோசிஸ் பாதிப்பை ஏற்படுத்துகிறது.

தொராசிக் எண்டோமெட்ரியோசிஸ் நோய் கண்டறிதல்

அவ்வளவு எளிதாக தொராசிக் எண்டோமெட்ரியோசிஸ் இருப்பதைக் கண்டறிய முடியாது என்று ஹெல்ப்லைன் தெரிவித்துள்ளது. இது மிகவும் அரிதான ஒரு குறைபாடு மருத்துவரால் உடனடியாக இந்த பாதிப்பு இருக்கிறதா என்று கூற முடியாது. அதுமட்டும் அல்லாமல், இருமல் என்பது பலவிதமான நோய்களுடன் தொடர்புடையது. எனவே ஒரு நபருக்கு தீவிரமான இருமல் இருந்தால் அவருக்கு இந்த குறைபாடு உள்ளது என்பதை டயாக்னோஸ் செய்ய முடியாது.

எனவே மார்பக எக்ஸ்ரே, சி டி ஸ்கேன் மற்றும் எம்ஆர்ஐ போன்ற பரிசோதனைகள் மூலம் தான் இந்த பாதிப்பு இருக்கிறதா என்பதை தெரிந்து கொள்ள முடியும். நுரையீரலை சுற்றி திசுக்கள் வளர்வதால் இது மூச்சு விடுவதில் மிகப்பெரிய சிரமத்தை ஏற்படுத்தி உயிருக்கே கூட ஆபத்து விளையும்.

தொராசிக் எண்டோமெட்ரிய சிகிச்சைகள்

எப்படி பெல்விக் எண்டோமெட்ரியோசிஸ் குறைபாட்டுக்கு நிரந்தர தீர்வு இல்லையோ, அதே போல தொராசிக் எண்டோமெட்ரியோசிஸ்க்கும் தீர்வு இல்லை. ஆனால், உங்களுடைய அறிகுறிகளின் தன்மைக்கு ஏற்றவாறு நோய் தீவிரமாகாமல் பார்த்துக் கொள்ள முடியும். நோயின் தீவிரத்தன்மைக்கு ஏற்றவாறு மருத்துவர்கள் சிகிச்சையை முடிவு செய்வார்கள்.

இதையும் படியுங்கள்: குளிர்காலத்தில் உங்கள் நுரையீரல் ஆரோக்கியம் கெடாமல் இருக்க சில ஆயுர்வேத முறைகள்!

அதிக ஹார்மோன்கள் காரணமாக எண்டோமெட்ரிய அறிகுறிகள் தீவிரமாகும். எனவே, மருத்துவர்கள் ஹார்மோன் குறைய அல்லது கட்டுக்குள் இருப்பதற்கான மருந்துகளைக் கொடுப்பார்கள். கட்டுப்பாட்டு கட்டுப்பாட்டு சிகிச்சையின் மூலம், எண்டோமெட்ரியல் திசுக்களின் ஹார்மோன் வளர்ச்சி குறையும்.