‘இந்த வெற்றி உனக்கு சமர்ப்பணம்’ பிக்பாஸ் டைட்டில் வென்ற பின் உருக்கமாக பதிவிட்ட அசிம்!

நடிகர் கமல்ஹாசன் தொகுத்து வழங்கும் பிக்பாஸ் நிகழ்ச்சியின் 6-வது சீசன் கடந்த மாதம் அக்டோபர் 9-ம் தேதி தொடங்கியது. இந்நிகழ்ச்சியில் ஜி.பி.முத்து, அசல் கோலார், ஷிவின் கணேசன், முகமது அசீம், ராபர்ட் மாஸ்டர், ஆயிஷா, ஷெரீனா, மணிகண்ட ராஜேஷ், ரக்ஷிதா மகாலட்சுமி, ராம் ராமசாமி, ஆர்யன் தினேஷ் கனகரத்தினம், ஜனனி, சாந்தி, விக்ரமன், அமுதவாணன், மகேஸ்வரி சாணக்கியன், வி. .கதிரவன், குயின்சி ஸ்டான்லி, நிவா,தனலட்சுமி என 20 போட்டியாளர்கள் கலந்து கொண்டனர். மைனா நந்தினி வைல்ட்கார்ட் எண்ட்ரியாக 21-வது நபராக பிக்பாஸ் வீட்டிற்கு வந்தார்.

2-வது வாரம் முதல் ஒவ்வொரு வாரமும் ஓட்டிங் அடிப்படையில் ஒரு போட்டியாளர் வீட்டை விட்டு வெளியேற்றப்பட்டார். இறுதி வாரத்தில் டிக்கெட் டூ ஃபினாலே டாஸ்கில் வென்ற அமுதவாணன் உடன், அசீம், கதிரவன், ஷிவின், விக்ரமன் மைனா நந்தினி என 6 பேர் இருந்தனர். இதில் கதிரவன் மற்றும் அமுதவாணன் இருவரும் பணப்பெட்டியை எடுத்துக்கொண்டு பிக்பாஸ் வீட்டை விட்டு வெளியேறினர். அவர்களை தொடர்ந்து நந்தினியை புது விதமாக வாரத்தின் நடுவிலேயே பிக்பாஸ் எலிமினேட் செய்து வீட்டை விட்டு வெளியே அனுப்பினார்.

அதனை தொடர்ந்து விக்ரமன், ஷிவின் மற்றும் அசீம் மட்டும் இறுதியாக இருந்தனர். இவர்களில் யார் வெற்றியடைவார்கள் என்று சமூக ஊடகங்களில் பல கலேபரங்களே நடந்தது. இந்நிலையில் கடந்த ஞாயிறு அன்று வெளியான ஃபைனலில்ஸ் அசீம் வெற்றிபெற்றதாக அறிவிக்கப்பட்டது.

இதனை தொடர்ந்து அசீம் தனது மகனுடன் இருக்கும் புகைப்படம் இணையத்தில் வைரலாகி வருகிறது. பிக் பாஸ் வீட்டிற்குள் இருந்த அசிம், தொடர்ந்து தனது மகனுக்காக ஆடுவதாக பல முறை குறிப்பிட்டார்.

தற்போது டைட்டிலும் வென்றுள்ள அசீம், பிக் பாஸ் நிகழ்ச்சிக்கு பிறகு, தனது மகன் ரயானை நேரில் சந்தித்துள்ளார். பிக் பாஸ் கோப்பையை மகன் வைத்தபடி இருக்கும் புகைப்படத்தை ட்விட்டரில் பகிர்ந்த அசிம், “எனது உயரம் உனது இலக்கல்ல…நீ உயரனும் என்பதே என் இலக்கு…! இந்த வெற்றி உனக்கு சமர்ப்பணம், என் செல்லமே!

எனது உயரம் உனது இலக்கல்ல…
நீ உயரனும் என்பதே என் இலக்கு…!

இந்த வெற்றி உனக்கு சமர்ப்பணம், என் செல்லமே!

அப்பா அதை ரயான் செய்தார் ♥️ 105 நாட்கள் இந்த தருணத்திற்காக 💥#அஸீம் #டீம் அசீம் #மக்கள் நாயகன் அசீம் #பிக்பாஸ் தமிழ் #BiggBossTamil6 #விஜய் தொலைக்காட்சி #DisneyPlusHotstarTamil pic.twitter.com/Ei6epBTh3B

– முகமது அசீம் (@actor_azeem) ஜனவரி 23, 2023

இது போதும் எனக்கு இது போதுமே
வேறேன்ன வேணும் நீ போதுமே ♥️#ரய்யான் 👑#அஸீம் #டீம் அசீம் #மக்கள் நாயகன் அசீம் #பிக்பாஸ் தமிழ் #BiggBossTamil6 #விஜய் தொலைக்காட்சி #DisneyPlusHotstarTamil pic.twitter.com/UGjJ7XblLT

– முகமது அசீம் (@actor_azeem) ஜனவரி 23, 2023

அதே போல மற்றொரு ட்வீட்டில், மகனுடன் இருக்கும் மற்றொரு புகைப்படம், “இது போதும் எனக்கு இது போதுமே, வேறென்ன வேணும் நீ போதுமே” என்றும் அசிம் குறிப்பிட்டுள்ளார்.

இதையும் படியுங்கள்… “என்னுடைய எல்லா கச்சேரிகளுக்கும் இந்த கிளி வேண்டும்..” மல்லிப்பூ பாடலுக்கு டான்ஸ் ஆடிய கிளி வீடியோவை பகிர்ந்த ஏ ஆர் ரகுமான்!

@ Google செய்திகளைப் பின்தொடரவும்: கூகுள் செய்திகள் பக்கத்தில் நியூஸ்18 தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.