காமெடி ராஜ்ஜியம் நடத்தும் கலாய் மன்னன் சந்தானம் பிறந்தநாள் இன்று..!

டைமிங் ரைமிங் காமெடிகளால் தமிழ் சினிமாவில் சிரிப்பின் நம்பிக்கை நட்சத்திரமாய் உயர்ந்தவர் சந்தானம். அவரின் பிறந்தநாளான இன்று அவரின் திரைப்பயணம் பற்றிய ஒரு தொகுப்பை தற்போது பார்க்கலாம்.

‘காதல் அழிவதில்லை’, ‘அலை’ திரைப்படங்களில் சிறு வேடங்களில் முகம் பதித்த சந்தானத்தை முழுக்க காமெடி நடிகனாக அறிமுகப்படுத்தியது ‘மன்மதன்’ திரைப்படம். கவுண்டமணியின் கவுண்டர் டயலாக் போல் சந்தானத்தின் காமடி காட்சிகள் இருந்ததென ஆரம்பத்தில் விமர்சிக்கப்பட்டாலும் அந்த கவுண்டர் டைமிங் ரைமிங் காமடிகள்தான் தமிழகத்தின் இளம் ரசிகர்களிடம் அவருக்கு வரவேற்பு கிடைத்தது.

2007 ஆம் ஆண்டு தமிழ் திரை ரசிகர்கள் தல அஜீத் மற்றும் தளபதி விஜய் என இரு பிரிவுகளாக பிரிந்து கத்தி சண்டை நடத்தி கொண்டிருந்த போது அஜீத்துடன் நண்பராக ‘கிரீடம்’ திரைப்படத்தில் நகைச்சுவை விருந்து படைத்து அதே ஆண்டு விஜயின் ‘அழகிய தமிழ் மகன்’ திரைப்படத்திலும் நடித்து தல, தளபதி ரசிகர்களை தன் கலாய் காமடியால் சிரிக்க வைத்து விசில் அடிக்கிறார். வைத்தார் இந்த கலாய் மன்னன் சந்தானம்.

தமிழ் சினிமாவின் டாப் கதாநாயகர்களான அஜித், விஜய், தனுஷ், சிம்பு, ஆர்யா, மாதவன் என அனைத்து கதாநாயகர்களுடனும் முதன்மை காமெடியனாக நடித்து தமிழ் சினிமாவின் நகைச்சுவை வரலாற்றில் தனது பெயரைப் பதிவு செய்தவர் சந்தானம். ஏ, பி, சி என அனைத்து செண்டர் ரசிகர்களையும் தன் காமெடி பிஸ்கெட்டால் மயக்கினார். குறிப்பாக ‘பொல்லாதவன்’ திரைப்படத்தில் தனுஷின் நண்பராக வரும் சந்தானம் கோக்கு மாக்கான வார்த்தைகளை சொல்லி தனுஷிடம் குத்து பட்டாலும் காமெடியில் தான் ஒரு பொல்லாதவன் என நிரூபித்தார்.

கவுண்டர் டயலாக்குகளில் கவுண்டமணியையே கொஞ்சம் மிஞ்சித்தான் போனார் சந்தானம் என்று சொல்லும் அளவு இவரது காமெடி வசனங்களில் ரசிகர்கள் சிரித்து முடிப்பதற்குள் அடுத்த கவுண்டர் காமெடியை முடிப்பது சந்தானத்தின் ஸ்பெஷல் ஆனது. சிவா மனசுல சக்தி திரைப்படத்தில் ஜீவாவுடன் சேர்ந்து காமெடி கதகளி ஆடிய சந்தானம். எம். ராஜேஷின் மற்றொரு திரைப்படமான ‘பாஸ் என்கிற பாஸ்கரன்’ திரைப்படத்தில் நல்ல தம்பி என்னும் கதாபாத்திரத்தில் ஆர்யாவோடு இணைந்து ‘ஒரு கல் ஒரு கண்ணாடி’யில் உதயநிதியோடு இணைந்து காமெடி கலாட்சேபம் செய்திருந்தார்.

சிம்புவுடன் ‘வானம்’ ‘ஒஸ்தி’ விக்ரமுடன் ‘தெய்வ திருமகள்’, விஜயுடன் ‘வேலாயுதம்’, ‘கலகலப்பு’, ‘சகுனி’ ‘அலக்ஸ் பாண்டியன்’ ‘சேட்டை’ ‘சிங்கம் 2’ ‘தலைவா’ ‘பட்டத்து யானை’ என கலந்தடித்து காமெடியில் கலக்கிய சந்தானம் சிறுத்தை கதாநாயகன். கார்த்தியுடன் சேர்ந்து காட்டு பூச்சி என்னும் கதாபாத்திரத்தில் செய்யும் அலப்பறைகளால் அரங்கமே அதிர்ந்தது.

2014 ஆம் ஆண்டு ‘வல்லவனுக்கு புல்லும் ஆயுதம்’ என்ற திரைப்படத்தின் மூலம் கதாநாயகனாக பதவி உயர்வு பெற்றார் சந்தானம். தொடர்ந்து ‘இனிமே இப்படித்தான்’ தில்லுக்கு துட்டு பார்ட் 1 பார்ட் 2′, ஏ1, டகால்டி, பிஸ்கோத், சபாபதி, பாரிஸ் ஜெயராஜ், டிக்கிலோனா, ஏஜண்ட் கண்ணாயிரம் போன்ற திரைப்படங்களில் கதாநாயகனாக நடித்து கதாநாயகர்களின் வரிசையிலும் தனக்கு சீட் போட்டார். எந்த வித சினிமா பின் புலமும் இல்லாமல் இன்று வரை திரையில் காமெடி ராஜ்ஜியம் நடத்தி கொண்டிருக்கும் சந்தானத்தை காமெடியில் E1 என்று எப்போதும் சொல்லும் தமிழ் சினிமா.